Málþing á vegum Heyrnarhjálpar

Heyrnarhjálp eru landsamtök þeirra sem eru heyrnarskertir, hafa misst heyrn að hluta, sem þjást af eyrnarsuði (e. tinnitus) og öðrum vandamálum sem snúa að heyrn. 

Heyrn hefur mikið verið í umræðunni síðastliðnar vikur en Heyrnarhjálp stendur fyrir málþingi undir yfirskriftinni Aðgengi að heyrn. Málþingið verður haldið þann 10. október klukkan 13:00-15:30.

Heyrnarskerðing hefur víðtæk áhrif og meðal annars á tal og mál. Börn og unglingar með heyrnarskerðingu eru í áhættuhópi þegar kemur að málþroskavanda. Við hvetjum félagsmenn og áhugafólk til þess að kynna sér þennan viðburð og fræðast um heyrn.